الموافقه الامنيه من مجمع التحرير

5 May 2017
1 dakikada okunur

الاوراق المطلوبة للحصول على تصريح سفر ( الموافقة الامنية ) لتركيا ولبنان وماليزيا لو شايف ان الموضوع ده استفدت منة بعد اذنك خش سجل واكتب شكرا علشان الكل يستفاد فى اطار السعي المستمر من شركة حورس ان نقدم معلومة لكل المصريين المسافريين الي الدول الاتية : - 1- لبنان 2- الاردن 3- ماليزيا 4- تركيا 5- قطر 6- السودان 7-جورجيا

من السن 18-45 طبعا لازم تراجع الشروط السفر لكل دولة انا هنا بتكلم عن نفسي اولا انا حضراتكم عايش فى القاهرة والقسم بتاعي اللى استخرجت منة هو مجمع التحرير هناك حتروح الطابق الاول اول ما تخش من الباب خش يمين للاخر خالص حتلاقي مكتب ظابط الاتصال لو انت موظف خد معاك :- 1- شهادة من العمل انك موظف بالشركة 2- برنت تامينات + صور بطاقتك مرتين بعد اذنك 3- لو حتاخد مراتك هات معاك اصل وصورة عقد الجواز 4- استحمل الطابور الغلس اللى جوة وعيش يا معلم 5- طبعا لو البلد ليها تاشيرة دخول زي تركيا لازم تكون واخد التاشيرة الاول قبل ما تروح لو انت صاحب عمل : 1- السجل التجاري اصل + صور 2- البطاقة الضريبة اصل + صورة لو انت بنت او راجل ومش شغال مش حتطلع اصلا وحتموت مقهور فى البلد دي ههههههههههههههه ودي حضراتكم صورة الموافقة الامنية بتاعتي وانا مسافر تركيااااااااااااااا مبرررروك علينا كلنا علي فكرة الموافقة دى حتسملها للظابط فى المطار ومش حتاخدها تاني